İstifadə Qaydaları

1. Ümumi Müddəalar

Bu istifadə qaydaları (bundan sonra "Qaydalar" adlandırılacaq) Yazıçı Evi (bundan sonra "Platforma" adlandırılacaq) veb-saytı və onun xidmətlərinin istifadə şərtlərini tənzimləyir.

Platformaya daxil olmaq, qeydiyyatdan keçmək və ya hər hansı formada istifadə etməklə siz bu Qaydaları tam şəkildə qəbul etdiyinizi və onlara riayət edəcəyinizi təsdiq edirsiniz. Əgər bu Qaydalarla razı deyilsinizsə, zəhmət olmasa, Platformadan istifadə etməyin.

2. Təriflər

Bu Qaydalarda aşağıdakı terminlər belə başa düşülür:

• "Platforma" / "Sayt" – Yazıçı Evi veb-saytı və onun bütün alt səhifələri, xidmətləri və funksionallığı.
• "İstifadəçi" – Platformaya daxil olan, ondan istifadə edən hər bir şəxs.
• "Yazar" – Platformada məzmun (şeir, hekayə, məqalə və s.) yayan qeydiyyatlı istifadəçi.
• "Məzmun" – Platformada yayımlanan bütün yazılar, şərhlər, şəkillər, audio və video materiallar.
• "Administrator" – Platformanı idarə edən və bu Qaydaları tətbiq edən şəxslər.

3. Qeydiyyat və Hesab Təhlükəsizliyi

Platformanın bəzi funksiyalarından istifadə etmək üçün qeydiyyatdan keçməyiniz tələb olunur. Qeydiyyat zamanı siz aşağıdakı öhdəlikləri götürürsünüz:

• Doğru, dəqiq və tam məlumat verməlisiniz.
• Hesab məlumatlarınızın (xüsusilə şifrənizin) məxfiliyini qorumalısınız.
• Hesabınızdan edilən bütün fəaliyyətlərə görə məsuliyyət daşıyırsınız.
• Hesabınızın icazəsiz istifadəsi barədə dərhal Adminstratora məlumat verməlisiniz.
• Bir şəxs yalnız bir hesab yarada bilər.

4. Məzmun Siyasəti

Platformada yayımlanan bütün məzmunlar Azərbaycan qanunvericiliyinə və ümumi əxlaq normalarına uyğun olmalıdır.

Qadağan edilmiş məzmunlar:

• Zorakılıq, terrorçuluq və ya özünə qəsdə təşviq edən materiallar
• Pornoqrafik və ya cinsi məzmunlu materiallar
• Dini, milli və ya irqçilik əsasında nifrət yayan məzmunlar
• Başqalarının şəxsi həyatına müdaxilə edən, böhtan və ya təhqir xarakterli yazılar
• Əqli mülkiyyət hüquqlarını pozan oğurlanmış məzmunlar
• Reklam xarakterli spam və reklam linkləri
• Siyasi təbliğat və seçkiqabağı aqitasiya
• Narkotik, psixotrop və silah satışına aid məzmunlar

Yazıçı Evi üçün uyğun məzmunlar:

• Şeir, hekayə, roman, essə, məqalə və digər ədəbi janrlar
• Kitab rəyləri və ədəbi tənqidlər
• Müsahibələr və yaradıcılıq təcrübələri
• Audio və video formatında səsləndirmələr
• Ədəbi tədbirlər, müsabiqələr və yaradıcılıq müzakirələri

5. Müəllif Hüquqları və Əqli Mülkiyyət

Platformada yayımlanan hər bir məzmunun müəllif hüquqları onu yaradan istifadəçiyə məxsusdur.

• Yazar öz əsərlərinin müəllifi kimi tanınır və onların qorunmasına görə məsuliyyət daşıyır.
• Platforma yalnız əsərlərin yayımlanması üçün texniki imkan yaradır, müəllif hüquqlarının sahibi deyil.
• Başqasının əsərini öz adınıza yaymaq, oğurlamaq və ya icazəsiz paylaşmaq qətiyyən qadağandır.
• Əgər sizin əsərinizin icazəsiz kopyalandığını müşahidə edirsinizsə, bizə şikayət edə bilərsiniz.
• Platformada yayımlanan məzmunlardan istifadə etmək üçün müəllifdən icazə alınmalıdır.

6. İstifadəçi Davranışları

Platforma sağlam və yaradıcı mühitin qorunmasını prioritet hesab edir. Buna görə də aşağıdakı davranışlar qəti qadağandır:

• Başqa istifadəçiləri təhqir etmək, hədələmək və ya zorakılığa çağırmaq
• Troling, provokasiya və qərəzli müzakirələr aparmaq
• Birdən çox saxta hesab yaradaraq manipulyasiya etmək
• Saytın texniki təhlükəsizliyini pozmaq və ya hacking cəhdləri etmək
• Spam, reklam və zərərli proqramlar yaymaq
• Məzmunu saxtalaşdırmaq və ya başqalarına aid əsərləri öz adınıza çıxarmaq
• Şəxsi məlumatları (telefon, ünvan və s.) icazəsiz paylaşmaq

Qaydaları pozan istifadəçilərin hesabları xəbərdarlıq edilmədən və ya üç dəfə xəbərdarlıqdan sonra müddətsiz bağlana bilər.

7. Şəxsi Məlumatların Qorunması

Platforma istifadəçilərin şəxsi məlumatlarının qorunmasına ciddi yanaşır. Biz yalnız lazımi olan məlumatları toplayırıq və onları qanunvericilikdə nəzərdə tutulmuş hallardan başqa heç bir üçüncü tərəfə ötürmürük.

• E-poçt ünvanınız yalnız hesab təhlükəsizliyi və bildirişlər üçün istifadə olunur.
• Şifrələriniz güclü alqoritmlərlə qorunur və heç kim tərəfindən görülə bilməz.
• Profil məlumatlarınız ictimai şəkildə göstərilə bilər (ad, bio, avatar və s.).
• Cookie faylları yalnız saytın düzgün işləməsi üçün istifadə olunur.

8. Ödənişlər və Premium Xidmətlər

Platforma əsas funksiyaları tamamilə pulsuz təklif edir. Bəzi əlavə xidmətlər (VIP status, kitab satışı və s.) ödənişli ola bilər.

• Bütün ödənişlər təhlükəsiz ödəniş sistemləri vasitəsilə həyata keçirilir.
• Ödəniş etdikdən sonra elektron qayda da qəbz/faktura təqdim olunur.
• Qanunsuz və ya saxta ödənişlər aşkarlandıqda hesab dərhal bağlanır.
• Ödənişli xidmətlərin qiymət və şərtləri əvvəlcədən açıq şəkildə bildirilir.

9. Məsuliyyətin Məhdudlaşdırılması

Platforma istifadəçilər tərəfindən yayımlanan məzmuna görə birbaşa məsuliyyət daşımır, lakin qaydaları pozan məzmunları silmək hüququnu özündə saxlayır.

• Platformada yerləşdirilən məlumatların dəqiqliyinə və aktuallığına görə Administrator məsuliyyət daşımır.
• Saytda mümkün texniki nasazlıqlar, viruslar və ya üçüncü tərəf linklərinin ziyanına görə zərər çəkildikdə Platforma məsuliyyət daşımır.
• İstifadəçilər özlərinin yazdığı və paylaşdığı məzmunlara görə tam məsuliyyət daşıyırlar.
• Platforma istifadəçilərinə vaxtında xəbərdarlıq etmədən texniki işlər və yeniləmələr aparmaq hüququnu özündə saxlayır.

10. Qaydaların Dəyişdirilməsi

Platforma bu Qaydalara istənilən vaxt düzəlişlər və əlavələr edə bilər. Qaydalara edilən dəyişikliklər saytda yayımlandıqdan dərhal sonra qüvvəyə minir.

11. Əlaqə və Şikayətlər

Bu Qaydalarla bağlı hər hansı sualınız, təklifiniz və ya şikayətiniz varsa, bizimlə aşağıdakı üsullarla əlaqə saxlaya bilərsiniz:

• E-poçt: support@yazicievi.az
• Ünvan: Azərbaycan, Bakı şəhəri
• Şikayət formu: Platformanın "Əlaqə" bölməsi

Şikayətlər 3 iş günü ərzində araşdırılacaq və cavablandırılacaqdır.